INAUGURACIÓN DO XI ENCONTRO

As embarcacións saúdan o pobo do Freixo.

As embarcacións participantes no Encontro izan as súas velas en sinal de agradecemento á hospitalidade do pobo do Freixo que as acolle. 

O emotivo acto tivo lugar despois da inauguración oficial na que participaron Xesús Mato, Víctor Fernández e Carlos López, como representantes do Comité Organizador, a Conselleira de Medio Rural e Mar e o Presidente da Deputación da Coruña.

Todos coincidiron na importancia de celebracións como os Encontros de Embarcacións para a promoción e posta en valor do noso patrimonio cultural e nos agradecementos tanto ás institucións que os apoian economicamente, como, nesta ocasión, ao pobo de Outes que coa súa implicación conseguirá que novamente sexa un éxito.